May arrin në Bruksel, protestuesi i hidhet mbi makinë

11:46 | 7 Shkurt 2019
Arbresh.info

Theresa May ka arritur në Bruksel me misionin për të negociuar një marrëveshje të re me presidentin Jean-Claude Juncker.

Kryeministrja britanike dhe shefi i Komisionit Evropian, i cili njihet për sjelljen e tij të ngrohtë kësaj radhe ishte shumë i ftohtë, transmeton portali arbresh.info.

Duket se liderët e BE-së nuk janë në qejf për kompromise, pasi Juncker insistoi që Marrëveshja e Tërheqjes nuk do të rihape, kurse Donald Tusk tha se ishte një “vend i veçantë në ferr” për ata që janë pro Brexitit.

Ndërkohë që kryeministrja britanike nuk u prit ngrohtë as nga qytetarët.

Kjo pasi që një protestues jashtë selisë së BE-së nr Bruksel iu hodh mbi makinë.

Britania e Madhe ka kohë deri me 29 mars të bëjë një zgjidhje për marrëveshjen, pasi që rrezikon të divorcohet nga Bashkimi Evropian pa të, gjë e cila po shkakton shumë pasiguri në vend./Arbresh.info/